მთავარი » 2022 » მაისი » 10 » პუტინი უკრაინაში გრძელვადიანი ომისთვის ემზადება, შესაძლოა რუსეთში საომარი მდგომარეობა გამოაცხადოს - აშშ-ის დაზვერვა
11:36 PM
პუტინი უკრაინაში გრძელვადიანი ომისთვის ემზადება, შესაძლოა რუსეთში საომარი მდგომარეობა გამოაცხადოს - აშშ-ის დაზვერვა
შეერთებული შტატების ეროვნული დაზვერვის სამსახურის დირექტორის ავრილ ჰაინსის თქმით, რუსეთის პრეზიდენტი ვლადიმერ პუტინი უკრაინაში გრძელვადიანი ომისთვის ემზადება. მისივე თქმით, იმ შემთხვევაში, თუ რუსეთი აღმოსავლეთ უკრაინაში, დონბასის რეგიონში წარმატებას მიაღწევს, ეს შესაძლოა ომის დასასრული არ იყოს.
"ამჟამინდელი ტენდენცია ზრდის იმის ალბათობას, რომ პრეზიდენტი პუტინი უფრო რადიკალურ ზომებს მიმართავს",- თქვა ჰაინსმა.
მისივე თქმით, პუტინმა შესაძლოა რუსეთში საომარი მდგომარეობაც გამოაცხადოს. როგორც ჰაინსმა აღნიშნა, პუტინს იმედი აქვს, რომ აშშ და უკრაინის ევროპელი პარტნიორები დროთა განმავლობაში დასუსტდებიან.
