კანადელი სნაიპერი, რომელიც მსოფლიოში ერთ-ერთი ყველაზე მომაკვდინებელ “თავებზე მონადირედ” არის აღიარებული, უკრაინაში საბრძოლველად გაემგზავრა. ინფორმაციას ამის შესახებ კანადური მედიასაშუალება CBC ავრცელებს.

“მინდა, დავეხმარო [უკრაინელებს], რადგან აქ ხალხს მხოლოდ იმის გამო ბომბავენ, რომ მათი სურვილია, იყვნენ ევროპელები და არა რუსები”, – განუცხადა”სიბისის” 40 წლის ვეტერანმა ჯარისკაცმა ფსევდონიმით Wali, რომელმაც კანადაში პროგრამისტის სამსახური, ცოლი და შვილი დატოვა.

არსებული ინფორმაციით, ვალი 2009-2011 წლებში კანადაში მსახურობდა, 2015 წელს კი მოხალისედ იბრძოდა ერაყში.

ის ერთ-ერთია იმ 20 000 მებრძოლს შორის, რომელიც გამოეხმაურა უკრაინის პრეზიდენტ ვოლოდიმირ ზელენსკის მოწოდებას უცხოელებისადმი, რუსეთის წინააღმდეგ ებრძოლათ უკრაინის ტერიტორიული თავდაცვის საერთაშორისო ლეგიონის შემადგენლობაში.

შეგახსენებთ, რუსეთი უკრაინაში 24 თებერვლის შემდეგ სრულმასშტაბიან ომს აწარმოებს.

ასევე დაგაინტერესებთ: