ირგვლივ სიჩუმე,დარდი და სევდა
ღამით ქუჩებში დავდივარ მე და
მესმის,თუ როგორ ბობოქრობს ქარი
შენ გხედავ,ნუთუ მატყუებს თვალი...

ვხედავ,თუ როგორ მოდიხარ ახლოს
არ მინდა ვინმემ ასეთი მნახოს
დარდით,სევდითდა ცრემლებით სავსე
იცი,ამ გრძნობით შენ რომ ამავსე!

არ მინდა,მაგრამ ახლოს ხარ უკვე
მინდა ვხედავდე,რომ სხვაგან უხვევ
მომადგა ისევ ცრემლების გუბე
და შენ არ უხვევ,წინ დგახარ უკვე...

ისევ სიჩუმე,მხოლოდ თვალები,
რომლებსაც ვერსად ვერ ვემალები
თითქოს გაჩერდა წუთი და წამი
ამ დროს ჩამოკრა საათმა სამი

შენ შემიმშრალე ხელით ცრემლები
ჩუმად მითხარი: "მე ვერ გელევი,
მიყვარდი მუდამ,ამის ხომ გჯერა?"
მე თავდახრილმა ვუთხარი: "ვერა...

არ მინდა ისევ მატკინო გული
არ მინდა,ისევ დამემსხვრეს სული,
რაც დამრჩა,ისიც უნდა წაიღო?
გული აღარ მაქვს,რაღა გავიღო?"

ისევ სიჩუმე,დარდი და სევდა
ღამით ქუჩებში მარტო ვარ მე და
ბიჭი რომ გაქრა სადღაც ლანდივით
გოგონა დარჩა,დადის დარდივით...

ასევე დაგაინტერესებთ: