შიშველი იდგა ჩემს თვალწინ, ულამაზესი სხეულითა და გრძელი, შინდისფერი თმით, რომელიც მის მკერდს, რომელსაც ბიუზჰალტერი არ ამშვენებდა, ზედ ეყარა. სახეზე იმდენად უცნაური ნიღაბი ეკეთა, მის სილამაზეს ხაზს ნამდვილად ვერ გავუსვამდი. გაშეშებული ვიჯექი საწოლზე, არა იმიტომ რომ მისგან ვიყავი დატყვევებული, არამედ სასმელს მეტისმეტად ვყავდი გაბრუებული. ხელში ალკოჰოლის ბოთლი მეჭირა და გამომწვევად ვუღიმოდი.

როგორც თითქმის ყველა ნაწარმოებს ახასიათებს და დასაწყისში შესავალით მოგვესალმებიან ხოლმე, მეც არ ვუღალატებ ჩვეულ წესს და ორიოდე სიტყვას გეტყვით იმ ამ ამბის შესახებ რომელიც ვფიქრობ რომ უნდა იცოდეთ. მინდა მე და ჩემს ცოლზე გიამბოთ, უბრალოდ ვფიქრობ რომ ჩვენი ისტორია მოგცემთ იმედს, იმედს რომ ერთმანეთი თავდავიწყებით გიყვარდეთ. სხვა თუ არაფერი რამოდენიმე სასიამოვნო წუთს მაინც გაჩუქებთ, ყოველ შემთხვევაში მინდა რომ სასიამოვნო იყოს. ჩემთვის ამაზე სასიამოვნო არაფერია დედამიწის ზურგზე.
მე გიორგი მქვია, ძალიან მომწონს ჩემი სახელი. ალბათ ფიქრობთ რომ ერთი უბრალო თინეიჯერი ბიჭი ვარ სახეზე გამონაყარით, რომელიც დეპრესიამ დაამარცხა და ცდილობს ემოცია ფურცელზე გადმოსცეს. ამ შემთხვეევაში იმედს გაგიცრუებთ და გეტყვით რომ პენსიაზე