11:21 PM
პირველად მეორე მსოფლიო ომის შემდეგ, რუსეთის ტერიტორიაც დაიბომბა - უკრაინამ საპასუხო სარაკეტო დარტყმა მიაყენა რუსულ სამხედრო აეროდრომს
ფოტო: იწვის რუსული „სუ-30სმ“ რომელსაც აეროდრომზე აფეთქებული უკრაინული რაკეტის ნამსხვრევი მოხვდა

უკრაინამ საპასუხო სარაკეტო დარტყმა მიაყენა რუსულ სამხედრო აეროდრომს - პირველად მეორე მსოფლიო ომის შემდეგ, რუსეთის ტერიტორიაც დაიბომბა

სოციალურ ქსელებში ვრცელდება ფოტოები და ინფორმაცია იმის შესახებ, რომ 25 თებერვალს უკრაინამ საპასუსო სარაკეტო დარტყმა მიაყენა როსტოვის ოლქში, ქალაქ მილეროვოსთან არსებულ რუსეთის საჰაერო-კოსმოსური ძალების სამხედრო აეროდრომს, რის შედეგადაც განადგურდა ამ აეროდრომზე მდგომი არანაკლებ ერთი „სუ-30სმ“ ტიპის მრავალფუნქციური თანამედროვე საბრძოლო თვითმფრინავი, რის დამადასტურებელი ფოტოც არსებობს.

ფოტო: ხანძარი მილეროვოს რუსულ სამხედრო აეროდრომზე, უკრაინული რაკეტის აფეთქების შემდეგ

 

ეს დარტყმა უკრაინამ, დიდი ალბათობით, „ტოჩკა-უ“-ს ტიპის ოპერატიულ-ტაქტიკური დანიშნულების რაკეტით განახორციელა, რომლის საბრძოლო ქობინი ან 482 კგ-იანი მსხვრევად-ფუგასური, ან 50 მსხვრევადი საბრძოლო ელემენტის შემცველი კასეტური შეიძლება იყოს, დაზიანებები ამ რუსულ სამხედრო აეროდრომზე, წესით, ბევრად მეტი უნდა იყოს.

მილეროვოს სამხედრო აეროდრომი უკრაინის საზღვრიდან, მართალია, სულ რაღაც ოციოდე კმ-ითაა დაშორებული, მაგრამ მას უკვე რუსეთის მიერ ოკუპირებული დონეცკისა და ლუგანსკის ნაწილი ესაზღვრება, საიდანაც, გასაგები მიზეზების გამო, უკრაინელები ვერ განახორციელებდნენ ამ რაკეტის სტარტს.

ფოტო: უკრაინული „ტოჩკა-უ“

 

გამომდინარე იქიდან, რომ „ტოჩკა-უ“-ს რაკეტის მოქმედების მაქსიმალური მანძილი 120 კმ-ია, სავარაუდოდ, ეს რაკეტა რუსულ აეროდრომს უკრაინელებმა ლუგანსკის ოლქის ჩრდილოეთი ნაწილიდან ესროლეს, რომელსაც უკრაინელი სამხედროები ჯერ კიდევ აკონტროლებენ.

მილეროვოს სამხედრო აეროდრომზე დისლოცირებულია რუსეთის საჰაერო-კოსმოსური ძალების 31-ე გამანადგურებლების საავიაციო პოლკი და მის შეირაღებაშია „სუ-30სმ“ და „სუ-35“ ტიპის საბრძოლო თვითმფრინავები.

ეს აეროდრომი 2008 წლის აგვისტოს ომის დროს გამოიყენებოდა საქართველოს, ეხლა კი - უკრაინის წინააღმდეგ.



ასევე დაგაინტერესებთ:

santahub santahub santahub
santahub santahub santahub
კატეგორია: საინტერესო ამბები | ნანახია: 281 | დაამატა: cosa-naff | ტეგები: სარაკეტო, მეორე, რუსულ, რუსეთის, დარტყმა, აეროდრომს, მიაყენა, საპასუხო, უკრაინამ, სამხედრო, პირველად, ტერიტორიაც, მსოფლიო, შემდეგ, ომის, დაიბომბა | რეიტინგი: 0.0/0
სულ კომენტარები: 0
სახელი *:
Email *:
კოდი *: