5:43 PM ოქტომბრის პირველი კვირისთვის შეკვეთილია ვაქცინის 135 ათასი დოზა - ამირან | ||||||
დაავადებათა კონტროლის ეროვნული ცენტრის ხელმძღვანელი, ამირან გამყრელიძე აცხადებს, რომ ოქტომბრის პირველი კვირისთვის შეკვეთილია გრიპის ვაქცინის 135 ათასი დოზა. გამყრელიძის თქმით, მოსალოდნელია მაქსიმალურად, გაიზარდოს სახელმწიფოს მიერ შესყიდული ვაქცინის მარაგი.„ოქტომბრის პირველ კვირისთვის შეკვეთილი და ნაყიდი გვაქვს ოთხკომპონენტიანი გრიპის ვაქცინის 135 ათასი დოზა, რომელიც როგორც წესი, გაუკეთდება რისკჯგუფებს და ეს რისკჯგუფები ყოველწლიურად ისაზღვრება იმუნიზაციის საბჭოს დადგენილებით. ვცდილობთ მაქსიმალურად, გავზარდოთ სახელმწიფოს მიერ შესყიდული ვაქცინის მარაგი. ძალიან ბევრ ბაზარზე და ბევრ მწარმოებელთან გვაქვს კონტაქტი და შესაძლებელია, წელს გრიპის აცრებზე მოთხოვნა იყოს მეტი, ვიდრე ოდესმე ყოფილა. რა თქმა უნდა, ვაქცინა ექნებათ კერძო კომპანიებსაც. შარშან გვქონდა ნაყიდი 100 ათასი და იქიდან დაგვრჩა ძალიან ცოტა, წელს 135 ათასი შევიძინეთ და ახლა ვცდილობთ, სულ მცირე გავაორმაგოთ," - განაცხადა ამირან გამყრელიძემ. ასევე დაგაინტერესებთ:
| ||||||
|
| ||||||
| სულ კომენტარები: 0 | |
