პარასკევი, 2019-08-23, 1:02 AM
მოგესალმები სტუმარი | RSS

Мой сайт


3:06 PM
ჰოია, ცვილის სურო

ეკუთვნის ბამბაცასებრთა ოჯახს და მოიცავს 200 სახეობას. გავრცელებულია ავსტრალიის ტროპიკულ ნაწილში, ინდოეთის ზოგ რაიონში, სახელი ეწოდა ტ. ჰოიას პატივსაცემად. მარადმწვანე მხოხავი მცენარეა, ხვიარა ტოტებით, ფოთლები ოვალური, ტყავისებური, ხორციანია, ქოლგა  ყვავილედი უბეში იზრდება, 5 გვირგვინის ფურცელი ყვავილსაც ხორციანი აქვს,  სქელი.  საკმაოდ უცნაური დეკორატიული მცენარეა. იზრდება თბილ, ზომიერ და გრილ ოთახში, იტანს მშრალ ჰაერსაც. კარგი ზრდისთვის სჭირდება საყრდენი.
განათება  - მოსწონს კარგი განათება, ურჩევნია აღ. ან დას. მხარე. ს. მხარეს შუადღეზე უფარებენ, ახალნაყიდ მცენარესაც არ დებენ პირდაპირ მზეზე უცებ. აჩვევენ თანდათან ,რომ მზემ არ დაწვას. თუ მცენარე ჩრ. მხარეს დევს, შეიძლება არც იყვავილოს,
ტემპერატურა -  ზაფხულში ყვავილობისთვის ოპტიმალურია 22-24გრ, ზამთარში არ უნდა იყოს 15ზე ნაკლები, თუ 20 ზე მეტია, ყვავილობა არ იქნება უხვი. ხშირად ანიავებენ ოთახს, მაგრამ ისე, რომ მცენარე ორპირში არ მოხვდეს.
მორწყვა - უხვად ირწყვება მარტ-ოქტომბერში ნადგამი თბილი წყლით მას მერე, რაც მიწის ზედა ფენა შეშრება, ნოემბრიდან კი  გაშრობიდან 2 დღის მერე. თუ მას  იშვიათად მორწყავთ, ფესვების ნაწილი უკვდება და ვეგეტაციური პერიოდი ეწყება. გაზაფხულზე და შემოდგომაზე ქოთანს დებენ 30-40გრ იან თბილ წყალში ნახევარი საათით, ეს პროცესი აახლოებს ყვავილობას და ხელს უწყობს მის ზრდას.
შესხურება -  მცენარე უპრეტენზიოა ჰაერის ტენიანობის მიმართ, თუმცა გაზაფხულ-ზაფხულში დადებითად რეაგირებს დანამვაზე, მაგრამ წყალი ყვავილს არ უნდა მოხვდეს,.
კვება - 2-3 კვირაში ერთხელ სჭირდება კომპლექსური მინერალური სასუქი მხოლოდ გაზაფხულზე და ზაფხულში.
ყვავილობა -  გრძელდება შემოდგომამდე, თუ მას კარგი განათება ექნება. კარგი განათება მოქმედებს  ყვავილის გამოტანის ტემპზეც. კოკრების გამოტანის შემდეგ მისი გადაადგილება არ შეიძლება. ყვავილედებს საყრდენიც სჭირდება, გრძელ ტოტებს  ყვავილობის მერე აჭრიან მცენარეს,მოკლე მოყვავილე ტოტებს უტოვებენ, არც საყვავილე ღერებს აჭრიან - მათზე მომავალ წელს ისევ ყალიბდება კოკრები. საყრდენი  ტოტებს ვერტიკალურ მდგომარეობაში იჭერს
გადარგვა - მოზრდილ მცენარეებს რგავენ 3 წელიწადში ერთხელ, ახალგაზრდას- ყოველ წელს. დიდ ქოთნებში იგი აქტიურად იზრდება. მას ნეიტრალური ან სუსტად მჟავე ნიადაგი სჭირდება, მიწის მიმართ უპრეტენზიოა. მისთვის ოპტიმალური ნარევია 2წილი თიხნარ-კორდის მიწა, 1წილი სასათბურე და 1წილი ფოთლოვანი მიწა, შეიძლება აურიოთ ტორფი და ხის ნახშირიც. აუცილებელია კარგი დრენაჟიც.
გამრავლება ტოტით - მთელი ვეგეტაციის პერიოდში შეიძლება ტოტით გამრავლება, იღებენ სხვადასხვა სიგრძის ტოტებს 1-2 წყვილი ფოთლით, მას ჭრიან მუხლს დაბლა, რადგან ფესვი სწორედ მუხლიდან გამოსდის. დასაფესვიანებლად კარგია  წყალიც და სუბსტრატიც 1წილი ქვიშის და 2წილი ტორფის ნარევით.3 კვირაში ისინი ფესვიანდება , მერე გადააქვთ 9სმ იან ქოთნებში, სადაც  2წილი ფოთლოვანი, 1წილი კორდის მიწა, 1წილი ქვიშა და  0,5წილი ნეშომპალა მიწაა სასუქდამატებული.
გამრავლება გადაწვენით -  იმისთვის, რომ გადარგულ მცენარეზე იმავე წელს ვიხილოთ ყვავილი, შეიძლება გადაწვენითაც გავამრავლოთ: ერთერთ ტოტს სერავენ, აფარებენ ხავსს, კრავენ თოკით და ახვევენ პოლიეთილენის პარკში. მას მერე, რაც დაფესვიანდება, აჭრიან და ცალკე რგავენ. კარგი ბუჩქის მისაღებად ერთ ქოთანში რგავენ 3-5 ტოტს.
გასხვლა -  ტოტებს თავს აწყვეტენ მათზე 4 ფოთლის ამოსვლის მერე, ასე მცენარე იბუჩქება.
შხამიანობა -  მისი ყვავილი სურნელი თავს ატკიებს, ფოთლის წვენი კი იწვევს დერმატიტს.
დაავადებები - ფოთლები ფერმკრთალია, ეხვევა და ხმება  - დაბალ ტემპერატურაზე მეტი განათების პირობებში.
ფოთლები ცვივა - სიცხის და  ჰაერის სიმშრალის გამო
სცვივა კოკრები - მორწყვის მეტობა-ნაკლებობის  ან მშრალი ჰაერის გამო
ფოთლები ცვივა - ცუდი დრენაჟის  და ცივი წყლით მორწყვისას
მცენარე ლპება - ზედმეტი მორწყვა ცუდი დრენაჟის პირობებში იწვევს ფესვის და ღეროს წვედა ნაწილის ლპობას,
ყვავილი ცვივა  - არასაკმაო განათების დროს ან ყვავილობისას მისი გადაადგილების გამო
ფოთლები ყვითლდება და ცვივა - ზედმეტი მორწყვით, ან დაბალ ტემპერატურაზე
მავნებლები - ხშირად აზიანებს ფარიანა, ბუგრი, ფრთათეთრა, აბლაბუდა ტკიპა

 
სახეობები - 1.დიდებული ჰოია - სამშობლო მალაკაა, ხვიარა ბუჩქია გრძელი 20 სმ  ოვალური ფოთლებით. წვერში წაწვეტებული, ტყავისებური, ყუნწიც გრძელია -7სმ მდე. 7-10 ყვავილი  ქოლგა ყვავილედადაა შეკრული, მუქი წითელია შიგნით და მოყვითალო მწვანე გარედან, გვირგვინი შებუსულია და ვარსკვლავისებურადაა განლაგებული მოკლე ყუნწზე, აქვთ სასიამოვნო სურნელი
2. ულამაზესი ჰოია-  იზრდება ბირმაში, საშუალო სიმაღლის ბუჩქია მცოცავი წვრილი ტოტებით, ხშირი, კვერცხისებრი 2,5სმ სიგრძის მკვრივი, წაწვეტებული ფოთლებით. ყვავილები საშუალო სიგრძის, შეკრული ქოლგა ყვავილედად, თეთრი, ცვილისებრი, დაყოფილი 5 წილად მეწამულ-წითელი გვირგვინით. უხვად ყვავის მთელი ზაფხული, თბილ ოთახებში იზრდება ამპელურად. ძალიან დეკორატიული მცენარეა.

თარგმანი თ. სუპატაშვილის

 

 

loading...
კატეგორია: სხვადასხვა სტატიები | ნანახია: 602 | დაამატა: cosa-naff | ტეგები: ცვილის სურო, ჰოია | რეიტინგი: 0.0/0
შესვლის ფორმა
ძებნა
კალენდარი
«  მარტი 2017  »
ორსამოთხხუთპარშაბკვ
  12345
6789101112
13141516171819
20212223242526
2728293031
ჩვენი გამოკითხვა
გჯერა ბედნიერების?
სულ პასუხი: 4503
სტატისტიკა

სულ ონლაინში: 1
სტუმარი: 1
მომხმარებელი: 0
საიტის მეგობრები