8:49 AM გუდაურში მომხდარ მკვლელობაში ბრალდებული მერაბ კობიაშვილის მეუღლე განცხადებას ავრცელებს | ||||||
გუდაურში ახლახან მომხდარ მკვლელობასა და მკვლელობის მცდელობაში ბრალდებული მერაბ კობიაშვილი, რომელიც ყოფილი სამხედრო გახლავთ და გუდაურში ტაქსის მძღოლად მუშაობდა, თავად ისეთი ნაცემია, რომ მისი ადვოკატის განცხადებით, იზოლატორშიც ვერ მოათავსეს. სოციალურ ქსელებში აქტიურად განიხილავენ საქმეს, რომლის ახალი დეტალები გავრცელებული ვიდეოს საშუალებით ახლახან გამოირკვა. როგორც კადრებიდან ჩანს, სანამ მერაბ კობიაშვილი გაისროდა, მას თავს დაესხა რამდენიმეკაციანი ჯგუფი და სასტიკად სცემეს. მერაბ კობიაშვილის მეუღლე, ნატა ქიტესაშვილი ამ თემაზე რამდენიმე პოსტს ავრცელებს. მათ შორისაა მეუღლის ფოტოები და წერს, რომ მერაბი სწორედ ასეთია და სთხოვს საზოგადოებას, ნუ ავრცელებენ ფოტოს, სადაც ის სასტიკად ნაცემი ჩანს. ნატა ქიტესაშვილი: „თაზოს ფოტოები ვნახე და… მოვკვდი … საშვილიშვილი ცოდვა დაადებინეს ჩემს ქმარს ამ ულამაზესი ბიჭის. გაიუბედურა თავი და ჩემი მეუღლეც გააუბედურეს. თქვენ გგონიათ, მერაბი რომ გამოვიდეს ციხიდან (და ეს აუცილებლად უნდა მოხდეს), ამ ბიჭის ცოდვა ცხოვრების ნორმალურად გაგრძელების საშუალებას მისცემს?! არა და არა! ხო, მეც მომიკლეს ქმარი! ის ისეთი ვერასოდეს იქნება, როგორიც ადრე იყო! ისეთი ლაღი და მხრებში გაშლილი… ქათამს ვერ კლავდა ეს მთასავით კაცი და კაცის მოკვლა მისთვისაც სიკვდილის ტოლფასია, დამიჯერეთ. ავღანეთში ერთი ჯარისკაცი აუფეთქდა ნაღმზე, თვეები არ ეძინა, სულ გიორგი ედგა თვალწინ, ის ბიჭი არ მომკვდარა გადარჩა, მაგრამ ინვალიდი დარჩა და სულ მასზე დარდობდა, ლოცულობდა, კითხულობდა მის ამბავს… არ მოასვენებს არასდროს თაზოზე დარდი!“ შემდეგ პოსტში მკვლელობაში ბრალდებულის მეუღლე წერს იმ დამსახურებების შესახებ, რაც მერაბ კობიაშვილს ქვეყნის წინაშე მიუძღვის: „ეს ჩემი მეუღლის ის არასრული მედლები და სამადლობელი წერილებია, რაც დამალილი არ აქვს… მოიტანდა სახლში და ისე შემოდებდა ზემო თაროზე ვითომაც არაფერი, არადა როგორ არაფერი?! თარო გამოვყავი და გამოვფინე ერთხელაც… მოვიდა ნახა, აალაგა ყველაფერი და მარტო ერთი სიგელი დატოვა, საუკეთესო მამის სიგელი, რომელიც ბაღში გადასცეს. ყველაზე დიდი ჯილდო ჩემთვის ესააო, ყველაზე მეტად ამ ჯილდომ გამახარაო ცხოვრებაშიო… მშობლებს შვილს, ყველაზე ძვირფასს, განზრახ როგორ მოუკლავდა?!“
https://www.facebook.com/nata.kitesashvili/posts/3890171244341470 ასევე დაგაინტერესებთ:
| ||||||
|
| ||||||
| სულ კომენტარები: 0 | |
