მოგესალმები სტუმარი | RSS

12:01 PM
"ეს საქორწინო კაბა სულ რაღაც 2 საათში შეიკერა მაკამ..." - რას ყვება ლელა წურწუმია მაკა ზამბახიძის ქორწილის შესახებ

მაკა ზამბახიძემ ნარიყალას წმინდა ნიკოლოზის სახელობის ეკლესიაში ჯვარი 20 თებერვალს დაიწერა. მომღერლის რჩეული მიხეილ ჩოხელია, ძიუდოისტი. ეს მაკას მესამე ქორწინებაა. მას პირველი ქორწინებიდან 19 წლის შვილი, სალომე ჩიტაძე ჰყავს, რომელიც, მშობლების მსგავსად, ასევე მომღერალია, ჯგუფ „ნონსტოპში“ მღერის. ზამბახიძის მეორე ქმარი ვახო ჭუმბურიძე გახლდათ. სალომემ დედას ქორწინება თბილი სიტყვებით მიულოცა.

„სიტყვები არ მყოფნის იმდენად ბედნიერი ვარ. მაინც ერთი ოჯახი ვიყავით აქამდეც, მაგრამ ეს დღე იყო ულამაზესი. თითქოს ტრიუმფალურ დასაწყისად იქცა. ყველაფერი ახლა იწყება - გუშინდელი დღიდან. დე, ვხედავდი როგორ გიბრწინავდა თვალები და შენს ბედნიერებას ვიზიარებდი. მთელი საღამო ვტკბებოდი ამით. მიყვარხართ შენც და მიშკაც. ბედნიერები, ჯანმრთელები და უფრო მეტნი მენახეთ“ - წერს სალომე ჩიტაძე სოციალურ ქსელში.

მაკა თავისი რჩეულის ვინაობას და ორწლიან რომანს საგულდაგულოდ მალავდა. ქორწილიც ნაუცბათევად გადაიხადა. რესტორან „მარანში“ ბავშვობის მეგობრებთან ერთად ცნობილი სახეებიდან მხოლოდ ლელა წურწუმია, კახა მამულაშვილი და რატი დურგლიშვილი იყვნენ. ქორწილის დეტალებზე „პრაიმტაიმს“ ლელა ესაუბრა.

ლელა წურწუმია: - მაკა ისევ ისეთი გადარეულია, როგორიც იყო. მისი ხიბლიც მაგაშია. ასეთი გვიყვარს. გუშინწინ დამირეკა, ლე, ხვალ 8 საათზე ვიწერ ჯვარს და მოდიო. არ მეგონა საქორწილო კაბით თუ იქნებოდა. დათუნა სულიკაშვილმა რეკორდი დაამყარა, მაკას კაბა ორ საათში შეუკერავს. ასეთი რამ მართლა არ უქნია აქამდე. უნდა გენახათ, ან ტაძარში როგორ უცებ დაარტყა წრე, ეჩქარებოდა. მე გვიან მივედი და მითხრა, შენ გელოდები, თორემ ამ ფატამ თავი მომაგლიჯაო და მოიხსნა.

ქორწილი ვიწრო წრეში გააკეთა. სულ მისი ბავშვობის მეგობრები ყავდა. ტორტის ჭამაში ეჯიბრებოდა ქმარს, ვინ უფრო სწრაფად შეჭამდა, დათვრა კიდეც... იყო კაბის სწორებაში, ფეხსაცმელმა მოუჭირა და გაიხადა. როგორც ყველა პატარძალი, ისეთივე იყო. ვიმღერეთ, პატარძალი ვერ გავაჩერეთ, მღეროდა. რატისთან ერთადაც იმღერა და შვილთან ერთადაც. ჯგუფი „ნონსტოპი“ უკრავდა.

ძალიან პოზიტიური გოგოა. ჩემთვის მართლა შვილივით არის. ამაგი მაქვს მასზე. მამულიჩასაც როგორ უყვარს, კი იცით. კი ჰყავს რედიკულივით იღლიაში ამოჩრილი (იცინის).

ორი წელი ისე იყო შეყვარებული კაციშვილმა არ იცოდა. მიხეილმა - მადლობა მობრძანებისთვისო, რომ მითხრა, რას ამბობ, ჩემი შვილის ქორწილში ვარ-მეთქი. ძალიან კარგი მოწესრიგებული, მშრომელი, ყურადღებიანი ბიჭია. სპორტსმენია, ძიუდოისტი. ღმერთმა ქნას, რომ ბედნიერი იყოს მაკა, შემდგარი და რეალიზებული. 

loading...
გააზიარე:

კატეგორია: საინტერესო ამბები | ნანახია: 14 | დაამატა: cosa-naff | ტეგები: ლელა წურწუმია კონცერტი, ლელა წურწუმია აღარ მინდიხარ, ლელა წურწუმია ფილმი, ლელა წურწუმია იასამანი, ლელა წურწუმიას სიმაღლე, ლელა წურწუმია რად მინდოდა, ლელა წურწუმიას შვილი | რეიტინგი: 0.0/0
ძებნა
საიტის მენიუ
შესვლის ფორმა
კალენდარი
«  თებერვალი 2020  »
ორსამოთხხუთპარშაბკვ
     12
3456789
10111213141516
17181920212223
242526272829
ჩანაწერების არქივი
ჩვენი გამოკითხვა
გჯერა ბედნიერების?
სულ პასუხი: 4508
სტატისტიკა
შემოგვიერთდით FACEBOOK-ზე